Wednesday, 20 July 2016
Tuesday, 12 July 2016
വിഷരഹിത ജൈവകൃഷി
സ്കൂള്‍ കാര്‍ഷിക-പരിസ്ഥിതി-ശാസ്ത്ര-സീഡ് ക്ലബ്ബുകളുടെ നേതൃത്വത്തില്‍ വിഷരഹിത ജൈവകൃഷിക്ക് തുടക്കമായി.സ്കൂള്‍ പറമ്പില്‍ പപ്പായ,മുരിങ്ങ,കറിവേപ്പ് എന്നിവ നട്ടുകൊണ്ടാണ് ഈ വര്‍ഷത്തെ കൃഷിക്ക് തുടക്കം കുറിച്ചത്.
ജനസംഖ്യാദിനാചരണം
ജനസംഖ്യാദിനാചരണത്തിന്റെ ഭാഗമായി "ജനസംഖ്യാവിസ്ഫോടനം ഉയര്‍ത്തുന്ന പ്രശ്നങ്ങള്‍ "എന്ന വിഷയത്തില്‍ സെമിനാര്‍ സംഘടിപ്പിച്ചു. പള്ളിക്കര കമ്മ്യൂണിറ്റി ഹെല്‍ത്ത് സെന്ററിലെ ഹെല്‍ത്ത് ഇന്‍സ്പെക്ടര്‍ ശ്രീ.ശശീന്ദ്രന്‍ വിഷയം അവതരിപ്പിച്ചു.
Sunday, 10 July 2016
ബഷീര്‍ അനുസ്മരണം
ബഷീര്‍ ദിനാചരണത്തിന്റെ ഭാഗമായി വിദ്യാരംഗം കലാസാഹിത്യവേദിയുടെ നേതൃത്വത്തില്‍ വിവിധങ്ങളായ പരിപാടികള്‍ നടന്നു. കഥകളുടെ സുല്‍ത്താന്റെ മനോഹരമായ ചെറുകഥകളുടെ നാടകാവിഷ്കാരം കുട്ടികള്‍ തന്നെ തയ്യാറാക്കി അവതരിപ്പിച്ചു. "ബഷീര്‍: അനുഭവങ്ങളുടെ വന്‍കര " എന്ന വിഷയത്തില്‍ ജനാര്‍ദ്ദനന്‍ മാസ്റ്റര്‍ ക്ലാസ്സെടുത്തു.ബഷീര്‍ കൃതികളുടെ പ്രദര്‍ശനവും നടന്നു.
പാഠങ്ങളില്‍ നിന്ന് പാടത്തേക്ക്
Sunday, 3 July 2016
രക്ഷാകര്‍തൃ പരിശീലനം
ഒന്നില്‍തുടങ്ങി ഒന്നാമതെത്താം പദ്ധതിയുടെ ഭാഗമായി ഒന്നാം ക്ലാസ്സ് വിദ്യാര്‍ത്ഥികളുടെ രക്ഷിതാക്കള്‍ക്ക് ഏകദിനപരിശീലനം നടത്തി. പരിശീലനത്തില്‍ മുഴുവന്‍ രക്ഷിതാക്കളും മുഴുവന്‍ സമയവും പങ്കെടുത്തു. രാവിലെ 9 മണിക്ക് ആരംഭിച്ച പരിശീലനം പി.ടി.എ പ്രസിഡന്റ് ശ്രീ.എ വേണുഗോപാലന്റെ അധ്യക്ഷതയില്‍ വാര്‍ഡ് മെമ്പര്‍ ശ്രീമതി പ്രസന്നകുമാരി ഉദ്ഘാടനം ചെയ്തു.ഹെഡ്‌മാസ്റ്റര്‍ ശ്രീ രാധാകൃഷ്ണന്‍ കാമലം സ്വാഗതവും കെ.എന്‍ പുഷ്പ നന്ദിയും പറഞ്ഞു.ശ്രീ.പി ജനാര്‍ദ്ദനന്‍, ശ്രീമതി ടി.വല്‍സല ,ശ്രീ മധുസൂദനന്‍ ,ശ്രീ പ്രഭാകരന്‍, ശ്രീ രവി.എ.വി എന്നിവര്‍ ക്ലാസ്സെടുത്തു.
Subscribe to:
Posts (Atom)