പച്ചക്കറികൃഷിക്ക് തുടക്കമായി

പള്ളിക്കര കൃഷിഭവന്റെയും,സ്കൂളിന്റെയും സംയുക്താഭിമുഖ്യത്തില്‍ സ്കൂളില്‍ ഇരുപത് സെന്റ് സ്ഥലത്ത് പച്ചക്കറി കൃഷി ആരംഭിച്ചു.28.07.2014ന് അവധിദിനത്തില്‍ കുട്ടികളുടെയും രക്ഷിതാക്കളുടെയും അധ്യാപകരുടെയും സാന്നിധ്യത്തില്‍ വാര്‍ഡ് മെമ്പര്‍ ശ്രീ.അപ്പക്കുഞ്ഞി മാസ്റ്റര്‍ പരിപാടി ഉദ്ഘാടനം ചെയ്തു.പ്രധാനധ്യാപകന്‍ ശ്രീ.രാധാകൃഷ്ണന്‍ കാമലം,പള്ളിക്കര

പഞ്ചായത്ത് കൃഷി ആഫീസര്‍ ശ്രീ.വേണുഗോപാലന്‍,പി.റ്റി.എ പ്രസിഡന്റ് ശ്രീ.വേണുഗോപാലന്‍ എ ,അധ്യാപകര്‍,പിറ്റിഎ അംഗങ്ങള്‍ എന്നിവരുടെ സഹായത്തോടെയാണ് കൃഷിയിറക്കിയത്.പയര്‍,വെണ്ട,വഴുതിന,ചീര,കയ്പക്ക തുടങ്ങി വിവിധ തലത്തിലുള്ള പച്ചക്കറി വിത്തുകളാണ് കൃഷി ഇറക്കിയത്.

 വിത്തിടല്‍ കര്‍മ്മം നിര്‍വ്വഹിക്കുന്ന വാര്‍ഡ് മെമ്പര്‍ ശ്രീ.അപ്പക്കുഞ്ഞിമാസ്റ്റര്‍ .കൃഷി ഓഫീസര്‍ ശ്രീ.വേണുഗോപാലന്‍ നിര്‍ദ്ദേശങ്ങള്‍ നല്‍കുന്നു

ക്വിറ്റ് ഇന്ത്യാ പ്രസ്ഥാനം

ഇന്ത്യക്ക് ഉടനടി സ്വാതന്ത്ര്യം നൽകുക എന്ന മഹാത്മാഗാന്ധിയുടെ ആഹ്വാന പ്രകാരം 1942 ഓഗസ്റ്റ് മാസം ആരംഭിച്ച നിയമ ലംഘന സമരമാണ്‌ ക്വിറ്റ് ഇന്ത്യാ പ്രസ്ഥാനം(ഭാരത് ച്ഛോടോ ആന്തോളൻ അഥവാ ഓഗസ്റ്റ് പ്രസ്ഥാനം). രണ്ടാം ലോക മഹായുദ്ധം പൊട്ടിപ്പുറപ്പെടുന്ന സമയത്ത് 1939 സെപ്റ്റംബറിൽ വാർദ്ധയിൽ വെച്ചു നടന്നകോൺഗ്രസ് പാർട്ടിയുടെ പ്രവർത്തക സമിതി യോഗത്തിൽ ഉപാധികൾക്കു വിധേയമായി ഫാസിസത്തിനു എതിരേയുള്ള സമരത്തെ അനുകൂലിക്കുന്ന പ്രമേയം പാസ്സാക്കി, ^[1] പക്ഷേ ഇതിനു പകരമായി സ്വാതന്ത്ര്യം ആവശ്യപ്പെട്ടപ്പോൾ ബ്രിട്ടീഷുകാർ ആ ആവശ്യം നിരസിക്കുകയാണു ചെയ്തത്.

സര്‍വ്വനാശത്തിന്റെ വിഷവിത്ത്

 

ആണവായുധം

അണുവിഘടനമോ (ന്യൂക്ലിയർ ഫിഷൻ) അണുസംയോജനമോ (ന്യൂക്ലിയർ ഫ്യൂഷൻ) കൊണ്ട് നശീകരണശക്തി ലഭിക്കുന്ന ആയുധങ്ങളേയാണ്‌ ആണവായുധം അഥവാ അണുബോംബ് എന്നു വിളിക്കുന്നത്‌.
ആണവപ്രവർത്തനങ്ങളിൽ വളരെ കൂടിയ അളവിൽ ഊർജ്ജം ഉൽപ്പാദിപ്പിക്കപ്പെടുന്നതിനാൽ ഇവ അതീവ നാശശക്തിയുള്ള ആയുധങ്ങളാണ്‌. രണ്ടാം ലോകമഹായുദ്ധകാലത്ത് ജപ്പാനിലെ ഹിരോഷിമ(1945 ഓഗസ്റ്റ് 6)നാഗസാക്കി(1945 ഓഗസ്റ്റ് 9) എന്നീ സ്ഥലങ്ങളിൽ അമേരിക്ക അണുബോബിടുകയും 120,000 ആളുകൾ തൽക്ഷണം മരിക്കുകയും ചെയ്തു.

ആഗസ്റ്റ് 6-ഹിരോഷിമ ദിനം

 ഹിരോഷിമ

ജപ്പാനിലെ സമുദ്രത്തോട് ചേർന്നു കിടക്കുന്ന ഒരു നഗരമാണ് ഹിരോഷിമ. ലോകത്ത് ആദ്യമായി യുദ്ധത്തിനിടക്ക് അണുബോംബ് ഉപയോഗിച്ചത് ഈ പട്ടണത്തിലാണ്. രണ്ടാം ലോക മഹായുദ്ധത്തിലാണ് അമേരിക്കൻ പട്ടാളം 1945 ഓഗസ്റ്റ് 6 ന് ഹിരോഷിമയിൽ ആദ്യ അണുബോംബ് പ്രയോഗിച്ചത്. അണുബോംബ് വീണ മറ്റൊരു നഗരം നാഗസാക്കി ആണ്

വായനാവാരത്തിന് തുടക്കമായി

ചാന്ദ്രദിനം

ഈ വര്‍ഷത്തെ ചാന്ദ്രദിനാഘോഷം വ്യത്യസ്തങ്ങളായ പരിപാടികളോടെ സയന്‍സ്

ക്ലബ്ബിന്റെ നേതൃത്വത്തില്‍ ആഘോഷിച്ചു.ഒരു മാസക്കാലം ചന്ദ്രനെ നിരീക്ഷിച്ച് ആകൃതി,പ്രത്യേകതകള്‍ എന്നിവ ഉള്‍പ്പെടുത്തി ഡയറി തയ്യാറാക്കല്‍ മല്‍സരം നടന്നു.ബഹിരാകാശ വിസ്മയങ്ങളെക്കുറിച്ച് സിഡി ഷോ ഉണ്ടായിരുന്നു.ക്ലാസ് തലത്തില്‍ ചാന്ദ്രദനിന ക്വിസ് നടത്തുകയും ,തെരഞ്ഞെടുക്കപ്പെട്ട കുട്ടികള്‍ക്ക്

എല്‍.പി,യു.പി പ്രത്യേകമായി ക്വിസ് മല്‍സരം നടത്തുകയും ചെയ്തു.കൂടാതെ 'ഇന്നറിയാന്‍ 'എന്ന പേരില്‍

ഒരോ ദിവസത്തെയും ഇംഗ്ലീഷ് തീയ്യതി,കൊല്ല വര്‍ഷ തീയ്യതി,നക്ഷത്രം,തിഥി,ഹിജ്റ വര്‍ഷം,ശകവര്‍ഷം എന്നിവ തയ്യാറാക്കി ക്ലാസില്‍ പ്രദര്‍ശിപ്പിച്ചു.മികച്ച പ്രവര്‍ത്തനം നടത്തിയ ക്ലാസ്സിന് സമ്മാനം നല്‍കുകയും ചെയ്തു.'നാളത്തെ ചന്ദ്രന്‍' എന്ന പേരില്‍ കുറിപ്പ് തയ്യാറാക്കല്‍ മല്‍സരം നടത്തുകയും ചെയ്തു.

ജനസംഖ്യ ദിനം -ജൂലായ് 1

ലോക ജനസംഖ്യാ ദിനമായ ജൂലായ് 11ന് സാമൂഹ്യശാസ്ത്രക്ലബ്ബിന്റെ

നേതൃത്വത്തില്‍ വിവിധ പരിപാടികള്‍ നടന്നു.എല്‍.പി,യു.പി കുട്ടികള്‍ക്കായി ക്വിസ് മത്സരം നടത്തി .

ആകാശവാണിയില്‍ പത്രവാര്‍ത്തകള്‍ ഉള്‍ക്കൊള്ളിച്ചുകൊണ്ട് പ്രത്യേക പരിപാടിനടത്തി. ദിനാചരണത്തിന്റെ പ്രാധാന്യത്തെക്കുറിച്ചും,ലോകജനസംഖ്യ വര്‍ദ്ധിക്കുന്നതിന്റെ ഭീകരതയെപ്പറ്റിയും മധുമാസ്റ്റര്‍ ക്ലാസ്സെടുത്തു.

  വായനാവാരം 2014

വിദ്യാരംഗം കലാസാഹിത്യവേദിയുടെ ആഭിമുഖ്യത്തില്‍ വായനാവാരം വിവിധങ്ങളായ പരിപാടികളോടെ ആഘോഷിച്ചു.19.06.14ന് ചേര്‍ന്ന അസംബ്ലിയില്‍ വായനയുടെ പ്രാധാന്യത്തെക്കുറിച്ച് ഹെഡ‌്മാസ്റ്റര്‍ ശ്രീ.രാധാകൃഷ്ണന്‍ കാമലം സംസാരിച്ചു.സ്കൂളില്‍ നടത്തുന്ന പരിപാടികളെക്കുറിച്ച് ശ്രീ.ജനാര്‍ദ്ദനന്‍ മാസ്റ്റര്‍ വിശദീകരിച്ചു.ക്ലാസ്സ് ലൈബ്രറി വിതരണം,ഓരോ ക്ലാസ്സിലും വായനാമൂല ഒരുക്കല്‍ എന്നിവയ്ക്ക് വായനാവാരത്തില്‍ ആരംഭം കുറിച്ചു.ലൈബ്രറി ഹാളില്‍ ഒരുക്കിയ പുസ്തക പ്രദര്‍ശനത്തില്‍ നിന്നും കുട്ടികള്‍ അവര്‍ക്ക് വായിക്കേണ്ട പുസ്തകങ്ങളുടെ ലിസ്റ്റ് തയ്യാറാക്കി.ഒരാഴ്ചക്കാലം നീണ്ടു നിന്ന പുസ്തകപ്രദര്‍ശനം രക്ഷിതാക്കള്‍ സന്ദര്‍ശിക്കുകയും അതു വഴി അമ്മ വായനയ്ക്ക് തുടക്കം കുറിക്കുകയും ചെയ്തു.എല്ലാ ദിവസവും വൈകുന്നേരം 3.30ന് എല്‍ പിയിലും,യു.പിയിലും അധ്യാപകര്‍ നടത്തിയ പുസ്തക പരിചയംഉണ്ടായിരുന്നു ആകാശവാണിയിലൂടെപത്രവായന,പുസ്തകപരിചയം,ആസ്വാദനക്കുറിപ്പുകള്‍,അവതരണം തുടങ്ങിയ പരിപാടികള്‍ പ്രവര്‍ത്തകര്‍ പോയത് രാകേഷ് കൂട്ടപ്പുന്നയുടെ അടുത്തേക്കാണ്.അരക്ക് കീഴെ തളര്‍ന്ന് വീല്‍ച്ചെയറില്‍ തന്നെ ജീവിതം തള്ളിനീക്കുന്ന രാകേഷ് നല്ല ഒരു വായനക്കാരനും സ്കൂള്‍ ലൈബ്രറി വളരെ നന്നായി ഉപയോഗപ്പെടുത്തുന്ന ആളുമാണ്.വായയയുടെ അത്ഭുത ലോകത്തെക്കുറിച്ചുംതനിക്കേറ്റവും ഇഷ്ടപ്പെട്ട ബെന്യാമിന്റെ' ആട് ജീവിതം' എന്ന പുസ്തകത്തെക്കുറിച്ചും രാകേഷ് സംസാരിച്ചു.കുട്ടികളുടെ സംശയങ്ങള്‍ക്ക് മറുപടി നല്‍കി.വായനാവാരത്തില്‍ തെരഞ്ഞെടുക്കപ്പെട്ട 15 പുസ്തകങ്ങള്‍ കുട്ടികള്‍ക്ക് വിതരണം ചെയ്തു.അവയുടെ ആസ്വാദനക്കുറിപ്പ് തയ്യാറാക്കല്‍ മല്‍സരം നടത്തി.കൂടാതെ സാഹിത്യ ക്വിസ് മല്‍സരവും ഉണ്ടായിരുന്നു.വിജയികള്‍ക്ക് സമ്മാനങ്ങള്‍ വിതരണം ചെയ്തു.

 കടുത്ത ശാരീരിക വൈഷമ്യങ്ങള്‍ക്കിടയിലും വായനാശീലവും പുസ്തകപ്രേമവും കാത്തുസൂക്ഷിക്കുന്ന ശ്രീ.രാകേഷ് കൂട്ടപ്പുന്നയെ   വായനാവാരത്തോടനുബന്ധിച്ച് വിദ്യാര്‍ത്ഥികള്‍ സന്ദര്‍ശിച്ചപ്പോള്‍. വിദ്യാരംഗം കലാസാഹിത്യവേദിയുടെ സ്നേഹോപഹാരം ഹെഡ്‌മാസ്റ്റര്‍ രാകേഷിന് സമ്മാനിക്കുന്നു

                                   രാകേഷ് പാഴ്വസ്തുക്കളില്‍ നിന്നും നിര്‍മ്മിച്ച ശില്‍പങ്ങള്‍

പുസ്തകപ്രദര്‍ശനം

കുട്ടികളുടെ നേതൃത്വത്തില്‍ ആരംഭിച്ച കപ്പകൃഷി

സ്കൂള്‍ കാര്‍ഷികക്ലബ്ബിന്റെ നേതൃത്വത്തില്‍ സ്കൂള്‍വളപ്പില്‍ കപ്പകൃഷിയിറക്കി. ഏതാണ്ട് 30 സെന്റ് സ്ഥലത്ത് 550 തടം കപ്പയാണ് വിളവിറക്കിയത്.ഹെഡ്‌മാസ്റ്റര്‍ ശ്രീ.രാധാകഷ്ണന്‍ കാമലം,കാര്‍ഷികക്ലബ്ബിന്റെ ചുമതല വഹിക്കുന്ന ദിനേശന്‍ മാസ്റ്റര്‍ ക്ലബ്ബ് ഭാരവാഹികളായ അഖില്‍രാജ്,രജിന്‍ എന്നിവര്‍ നേതൃത്വം നല്‍കി

പരിസ്ഥിതിദിനം ആചരിച്ചു

ജൂണ്‍ 5 പരിസ്ഥിതി ദിനം സ്കൂള്‍ വളപ്പില്‍ മരത്തൈ നട്ടുകൊണ്ടാണ് കുട്ടികള്‍ ആഘോഷിച്ചത്. 100- ലധികം മരത്തൈകള്‍ നചുകയും ഓരോന്നിന്റേയും സംരക്ഷണച്ചുമതല യു.പി വിഭാഗത്തിലെ ഓരോ കുട്ടികള്‍ഏറ്റെടുക്കുകയും ചെയ്തു.

സ്കൂള്‍ പ്രവേശനോല്‍സവം

സ്കൂള്‍ പ്രവേശനോല്‍സവം വിപുലമായി ആഘോഷിച്ചു

2014-15 വര്‍ഷത്തെ സ്കൂള്‍ പ്രവേശനോല്‍സവം വിപുലമായി ആഘോഷിച്ചു. വാര്‍ഡ് മെമ്പര്‍

ശ്രീ അപ്പക്കുഞ്ഞി മാസ്റ്റര്‍ ആഘോഷ പരിപാടികള്‍ ഉദ്ഘാടനം ചെയ്തു.ബ്ലോക്ക് മെമ്പര്‍ ശ്രീമതി ഗൗരി യോഗത്തില്‍ സംബന്ധിച്ച് സംസാരിച്ചു. സ്കൂളിലെ പ്രീ പ്രൈമറി ,ഒന്നാം ക്ലാസ് കുട്ടികള്‍ക്ക് ബേഗ്,നോട്ട്ബുക്ക് എന്നിവ വിതരണം ചെയ്തു.

എല്ലാ കുട്ടികള്‍ക്കും ലഡു വിതരണം ചെയ്യുകയുണ്ടായി.സ്കൂള്‍ പ്രവേശനോല്‍സവുമായി സഹകരിച്ച വ്യക്തികളും ,സ്ഥാപനങ്ങളും

1.ശ്രീ.ഗോപാലകൃഷ്ണന്‍ (ക്ഷീര സഹകരണ സെക്രട്ടറി കരിച്ചേരി,തൂവള്‍)

2.കുഞ്ഞിക്കണ്ണന്‍ അതിയോടന്‍മൂല

3.ജൊ ജൊ മൈലാട്ടി

4.പ്ലൈവുഡ് ഫാക്ടറി, മൈലാട്ടി

5.ബാദുഷ മെറ്റല്‍സ്, ചെരുമ്പ

6.കെ രാധാകൃഷ്ണന്‍ മാസ്റ്റര്‍, പുളിയക്കര

7.പീതാംബരന്‍ പടിഞ്ഞാറെക്കര.

8 സ്വസ്തി ആര്‍ട്സ് &സ്പോര്‍ട്സ് ക്ലബ്ബ്, കൂട്ടപ്പുന്ന

9.എ കെ ജി കലാകേന്ദ്രം, കരിച്ചേരി

10.ശശിമോന്‍ വില്ലേജ് ഓഫീസര്‍ ,കൊളത്തൂര്‍

എല്ലാവര്‍ക്കും സ്കൂള്‍ പി.ടി.എ യുടെ നന്ദി അറിയിക്കുന്നു

സ്കൂള്‍ ലൈബ്രറി ഹാള്‍,മള്‍ട്ടിപര്‍പ്പസ് ഹാള്‍ എന്നിവയുടെ നിര്‍മ്മാണത്തിന് തുടക്കമായി

സ്കൂള്‍ ലൈബ്രറി ഹാള്‍,മള്‍ട്ടിപര്‍പ്പസ് ഹാള്‍ എന്നിവയുടെ നിര്‍മ്മാണത്തിന് തുടക്കമായി

2014മെയ് 10ന് സ്കൂള്‍ ലൈബ്രറി ഹാള്‍,മള്‍ട്ടിപര്‍പ്പസ് ഹാള്‍ എന്നിവയുടെ നിര്‍മ്മാണത്തിന്റെ കുറ്റിയിടല്‍ ചടങ്ങ് നടന്നു.

തദവസരത്തില്‍ സ്കൂള്‍ പിടിഎ മെമ്പര്‍മാരും,അധ്യാപകരും ശ്രീ എം.വി നായരുടെ കുടുംബാംഗങ്ങളും ,നാട്ടിലെ സാമൂഹിക സാംസ്കാരിക രംഗത്തെ പ്രമുഖരും പങ്കെടുത്തു.